Nordstoga opnar Telemarkfestivalen

No er det klart at Odd Nordstoga skal stå for den formelle opninga av den 20. Telemarkfestivalen i rekkja.

– Det er ingen som passar betre til å opne den 20. Telemarkfestivalen enn Odd Nordstoga – han har vore ein av dei mest sentrale artistane gjennom festivalen sine 20 år, og han er i dag den største norske artisten med bakgrunn i folkemusikkmiljøet. Odd Nordstoga er populær i alle generasjonar, og han er ei stor inspirasjonskjelde for unge menneske som ønskjer å drive med musikk, melder Telemarkfestivalen på nett.

På tidlegare utgåver av Telemarkfestivalen har publikum mellom anna fått oppleve Odd Nordstoga med Blåmann Blåmann, Blåstoga, Fake It Or Leave It, i bestillingsverka Nivelkinn og FolkJazzEnsemble, Odd Nordstoga & Allstars, Storegut og i festivalens tidlige år jamvel som dansar i Vinje dansarring.

Opninga finn stad i Gullbring kulturanlegg, torsdag 16. juli. Ingen annan enn Knut Buen skal leie den store jubileumskonserten. Billettar er lagt ut for sal i Gullbring og hos Billettservice.

Publisert lørdag 12. desember 2009 kl. 02:11.