SIGNERTE: Kjetil Taraldlien (f.v.), Jo Inge Bræin, Ståle Hegna og Erling Rønnekleiv under sigenringa av dataavtalen.
Datagevinst på åtte millioner
Dei tre kommunane Bø, Nome og Sauherad vil over fem år spare åtte millionar kroner på eit datasamarbeid.
Kommunane skal ta i bruk eit nytt styringssystem som omfattar områda lønn, personal, økonomi og rekneskap.
– Dette at me samarbeider betyr at me sparar mange pengar samanlikna med å kjøpe inn kvar for oss. Over fem år gjev samarbeidet ei innsparing på åtte millionar kroner. Denne løysinga opnar og for betre sfagleg samarbeid, opplyser prosjektansvarleg Erling Rønnekleiv.
– Det offentlege møter stadig større krav til samarbeid. Derfor er det viktig med verktøy som gjer det mogleg å jobbe enda smartare, fortel Rønnekleiv.
Avtala med Visma om den nye løysinga blir underteikna i Bø i dag.
