OMRÅDET: Det er dette området ved rundkjøringa i Bø er som er aktuelt for utbygging. FOTO: HALVOR ULVENES
Nytt sentrumsbygg på trappene
Bø sentrumsbygg A/S, som er kontrollert av Johannes Forberg, planlegg å byggje ut området ved rundkjøringa i gata.
Det stadfester Einar Forberg i Bø Sentrumsbygg over for Varden.
900 kvadratmeter
– I fyrste byggjetrinn er det snakke om å føre opp tre etasjar i 300 kvadratmeter – total utbygging blir såleis 900 kvadratmeter. Eg håpar at me kan kome i gang med bygginga av dette trinnet til våren. Årsaka til utbygginga er at me ønskjer å skaffe Bø Maling nok areal. Så håpar me å få leige ut resten av arealet etter kvart, opplyser han.
I neste runde kan bli aktuelt å byggje ut 400 kvadratmeter med kjellar. Tanken er å byggje parkering på taket der, ifølgje Forberg.
Utbygginga er for forretning og kontor.
Velvilje
Søknaden om reguleringsplan kjem til politisk handsaming i neste veke.
– Mange klagar på kommunen. Me har opplevd stor velvilje på teknisk etat, seier Einar Forberg.
