ORIENTERTE: Personalrådgjevar Finn Arne Askje orienterte kommunestyret i kveld. Assisterande rådmann Sissel Bitustøyl var og på plass. FOTO: HALVOR ULVENES
Sparar millionar på lågt fråver
Vinje kommune har eit sjukefråver som ligg omlag 2,5 prosentpoeng under landsgjennomsnittet. Det gjev ei årleg innsparing på rundt fem millionar kroner.
Det opplyste personalrådgjevar Finn Arne Askje under kommunestyremøtet i kveld.
Store beløp
Askje opplyste at for kvart prosentpoeng kommunen reduserer fråveret, er innsparinga 2,1 millionar kroner på årsbasis.
Askje sa og at kommunen ser store fordelar ved å ha eiga bedriftshelseteneste. Han opplyste elles at kommunen følgjer tett opp dei sjukemelde. Fråveret i Vinje kommune låg i fjor på 5,6 prosent i andre tertial og 6,6 i fyrste tertial.
