KUMLOKK: KUMLOKK: Fylkesordførar Gunn Marit Helgesen (t.v.) overrekte eit kumlokk pluss ein sjekk på 50.000 kroner til Seljord-ordførar Solveig Sundbø Abrahamsen. FOTO: HALVOR ULVENES
Stolt av prisen
Ein stolt Seljord-ordførar Solveig Sundbø Abrahamsen mottok i går kveld tettstadprisen 2009. – Seljord er ei perle midt i Telemark, sa fylkesordførar Gunn Marit Helgesen ved overrekkinga.
KUMLOKK: KUMLOKK: Fylkesordførar Gunn Marit Helgesen (t.v.) overrekte eit kumlokk pluss ein sjekk på 50.000 kroner til Seljord-ordførar Solveig Sundbø Abrahamsen. FOTO: HALVOR ULVENES
OVERREKKINGA: OVERREKKINGA: Fylkesordførar Gunn Marit Helgesen (t.v.) overrekker skjekken til ordførar Solveig Sundbø Abrahamsen. Foto: Halvor Ulvenes
KOSTE SEG: KOSTE SEG: Publikum koste seg på Lomodden i går kveld.
SELJORD Prisen frå Telemark fylkeskommune består av eit kumlokk frå Ulefoss Jernværk samt ein sjekk på 50.000 kroner. Kommunen kan få 100.000 kroner til om kommunen trår til med same beløpet.
– Me vil nok bla opp her, seier Solveig Sundbø Abrahamsen i sin kommentar til Varden.
Ho fekk prisen for prosjektet «Seljord og sogene».
Stort publikum
Overrekkinga fann stad på garden Lomodden midt i sentrum i samband med Seljordspelet og Seljorddagane.
– Eg er stolt. Og så er det litt spesielt at Seljord får prisen for andre gong. Prisen forpliktar og eg håpar at fylkeskommunen – som har vore ein god samarbeidspartnar – kjem med meir støtte, seier Solveig Sundbø Abrahamsen som overrekte blomar til prosjektleiar Harriet Slaaen for god jobb.
Samrøystes
Fylkesordføraren fortalte ved overrekkinga at juryen var samrøystes om valet av Seljord, som ho meiner er ein verdig vinnar.
– Dette er eit lokalsamfunn som tek tak i sin eigen stad og utviklar både eigenart og identitet. Seljord tek tak i alle perlene som finst og sogene i kommunen. Dette inspirerer store deler av Telemark, seier Gunn Marit Helgesen.
Ho meiner at løyndommen bak utviklinga i Seljord er at arbeidet med utviklinga av tettstaden har eigarskap og forankring i bygda.
