Her får Eva Dyrsku-rosa
Måndag ettermiddag får husflidsansvarleg på Dyrsku'n, Eva K. Flatin, tatovert ei rose på ryggen.
– Det gjer vondt, men eg klarer dette, seier Eva, der ho ligg på benken til Julie Loomer i Galleri Dragedalen midt i Bø-gata.
– Rosemåling står på raudlista til Norges husflidslag. Eg ønskjer å syne at den tradisjonelle folkekunsten kan brukast på nye måtar, seier Eva K. Flatin.
Ho har ansvaret på husflidsutstillinga på Dyrsku'n i september. Sjølv har ho rike tradisjonar i familien sidan mamma Birgit Flatin og bestemor Ingebjørg Loftsgarden var rosemålarar.
– Gjennom diskusjonar fører ein kunsten vidare, seier Eva K. Flatin.
LES OGSÅ:Dyrsku’n omsetter for 500 millioner kroner